Po ndryshon pamja e menysë “Start”

Microsoft ka njoftuar fillimin e testimeve për një mënyrë të re të organizimit të aplikacioneve në brendësi të menysë “Start”, ku do të mund të organizohen sipas kategorisë ose alfabetikisht, sipas rregullave të reja. Disa ditë më parë, pamja e ridizajnuar e menysë Start për Windows 11 u publikua në media, dhe pritet që kjo të bëhet standarde shumë shpejt.

Pak ditë pas kësaj, Microsoft konfirmoi në blogun e tij zyrtar, që i kushtohet versioneve zhvillimore të këtij sistemi operativ, se bëhet fjalë për një dizajn të ri, që do të sjellë një pamje të freskët të ndërfaqes për shfaqjen e të gjitha aplikacioneve të disponueshme.

“Kjo ndryshim po futet gradualisht, ndaj mund ta mos e shihni menjëherë. Planifikojmë ta ofrojmë këtë për përdoruesit e Windows Insider që marrin përditësime të bazuara në Windows 11, versionin 24H2 në kanalet Dev dhe Beta”, thonë nga Microsoft, duke shoqëruar me dy screenshot të dizajnit të ri të menysë.

Ky version beta i Windowsit sjell një funksion interesant për testuesit. Nëse dëshirojnë të tërheqin (“drag and drop”) një dokument diku, një meny e vogël pop-up shfaqet nga maja e ekranit me ikona të destinacioneve më të shpeshta.

Aty janë, siç tregohet në animacion, WhatsApp, telefoni i lidhur, Outlook, Teams dhe destinacione të ngjashme, dhe dokumenti mund të ndahet me të tjerët ose të transferohet në një vend tjetër duke e tërhequr mbi ikona.