Qeveria talebane në Afganistan ishte ndër të parat në botë që reagoi ndaj zhvillimeve në Siri, duke uruar rebelët dhe duke shprehur shpresën për “qeverinë islame” në vend.
Mbështetësit e talebanëve dhe disa nga aleatët e tyre po shpërndanin gjithashtu ëmbëlsira në tubime në shumë provinca për të përshëndetur largimin e Asadit nga pushteti.
Talebanët janë ndjekës të mendimit ekstrem sunit dhe xhihadistëve. “Lidhjet e tyre ideologjike” janë një nga arsyet që talebanët kanë simpati të madhe për rebelët xhihadistë në Siri.
Një zyrtar i lartë taleban, që punonte në zyrën presidenciale, shkroi në llogarinë e tij X “Historia e Kabulit dhe Damaskut është e njëjtë, të dy kanë rënë të dielën, të dy të kapur në 11 ditë dhe udhëheqësit e të dy vendeve u larguan”.
