“Kjo është çmenduri”.
Kështu ministri nga radhët e VLEN-it, Arben Taravari i komentoi kritikat e opozitës që kanë të bëjnë me vendimin e qeverisë që do të mundësojë që të ulet numri i këshilltarëve në pjesë të komunave. Por do të ulen edhe financat për komunat që i marrin nga pushteti qendror. I pari që reagoi ishte kryetari i Sarajit, Ilas Veseli.
Por siç shton Veseli, fakti se nuk do të numërohen mërgimtarët në popullsinë e përgjithshme të komunës, do të ndikojë në mënyrë të drejtpërdrejt në mjetet që i ndan pushteti qendror si dotacione të ndryshme. Ai sqaron se shuma e parave do të llogaritet për kokë banori.
Për këtë situatë, ministri Taravari mendon se fajin e ka BDI për shkak se vendimi i fundit i qeverisë bazohet në regjistrimin e fundit të popullsisë.
Vendimi që në regjistrimin e fundit, popullsia të llogaritet si rezidente dhe jo rezidente ishte arsyeja që deputeti Skender Rexhepi të dorëzojë iniciativë deri te gjykata kushtetuese. Sipas Rexhepit, të gjithë qytetarët e shtetit janë të barabartë para ligjeve dhe në mënyrë të barabartë duhet t’i shfrytëzojnë të drejtat pa dallim nëse për momentin janë jashtë vendit.
