Menaxheri i Liverpoolit, Jurgen Klopp, i lumtur për suksesin në finale e Carabao Cup, tha se ishte një fitore e çmendur, por e merituar, me lojtarë të akademisë.
“Ajo që ndodhi këtu ishte absolutisht e çmendur, këto gjëra nuk janë të mundshme. Një skuadër, një akademi plot karakter. Jam shumë krenar që mund të jem pjesë e kësaj feste. Gjëja më e çmendur është se ne e merituam fitoren. Ne patëm fat në disa momente me fat, edhe ata patën momente me fat. Djemtë u shfaqën shumë mirë.”
Për të rinjtë e skuadrës: “Ne kishim nevojë për këmbë të freskëta, ata ishin të freskët, por shumë të rinj, por ata e bënë punën që iu kërkua. Djemtë janë stërvitur për një kohë të gjatë me ne, e dinë saktësisht se çfarë duhet të bëjmë. Ne kemi portierin më të mirë në botë dhe numrin dy më të mirë.”
Për ndeshjen me Southamptonin në raundin e pestë të FA Cup, të mërkurën: “Ne tani nuk kemi një ekip për të mërkurën. Djemtë që hynë ndoshta mund të luajnë përsëri, pjesa tjetër do të trajtohet të hënën. Unë e dua këtë vend, por kalendari nuk është bërë për të fituar shumë. Ne do të shohim çmimin që duhet të paguajmë, por do të luftojmë për gjithçka pastaj do të shohim se çfarë do të vijë më pas.”
