Barazim 1-1 në “San Siro” mes Milanit dhe Atalantës. Kuqezinjtë zhvilluan një nga ndeshje më të bukura të vitit 2024, duke dominuar përballë një kundërshtari të rrezikshëm.
Rafael Leao kaloi Milanin në avantazh në minutën e tretë, falë një eurogoli. Gjithsesi, skuadra bergamaske gjeti golin e barazimit falë një penalltie. Tri minuta përpara fundit të fraksionit të parë.
Teun Koopmeiners u tregua i saktë nga pika e bardhë. Vendasit tentuan golin e fitores në 45 minuta e dyta, por Leao, Pulisic dhe Giroud nuk arritën të konkretizonin mundësitë e tyre.
