Emërohet më në fund gjirafa më e rrallë në botë
Një gjirafë e quajtur “gjirafa më e rrallë në botë” pasi lindi pa asnjë shenja, tani ka një emër.
E lindur më 31 korrik në kopshtin zoologjik Brights në Limestone, Tennessee, gjirafa e adhurueshme është rreth gjashtë këmbë e gjatë, me lartësinë mesatare të lindjes së një gjirafe femër rreth 1.8 metra (6 këmbë).
Por ajo që e dallon këtë gjirafë nga pjesa tjetër është se ajo besohet të jetë e vetmja e llojit të saj në Tokë, thanë zyrtarët e kopshtit zoologjik më 21 gusht.
Pasi gjirafa, u bë një sensacion viral në internet, kopshti zoologjik bëri një kërkesë shtesë të veçantë për publikun për t’i ndihmuar ata ta emëronin atë.
Brights Zoo kishte vendosur katër emra:
1) Kipekee – që do të thotë unike
2) Firyali – që do të thotë e pazakontë ose e jashtëzakonshme
3) Shakiri – që do të thotë se ajo është më e bukura
4) Jamella – që do të thotë një me bukuri të madhe
Rezultatet u njoftuan drejtpërdrejt në emisionin Today të NBC dhe pas numërimit të afro 40,000 votave, kopshti zoologjik konfirmoi se gjirafa unike do të njihet tash e tutje si Kipekee.
Ajo padyshim që i përshtatet emrit të saj!
“Për shumë të ftuar me të cilët folëm, ky ishte emri më i lehtë për t’u thënë nga një fëmijë”, tha drejtori i kopshtit zoologjik, David Bright ndërsa ishte në shfaqje.
