Prishën Murin e famshëm të Kinës me një ekskavator, qeveria kineze arreston dy persona

Qeveria kineze raportohet se ka arrestuar dy persona të cilët janë akuzuar se kanë përdorur një ekskavator për të shkatërruar një pjesë të Murit të Madh të Kinës.

Ata donin të krijonin një rrugë tjetër tek pjesa e murit të dinastisë Ming për t’i rënë më shkurt një rruge tjetër.

Dëmtimi ka ndikuar në integritetin strukturor të asaj pjese të Murit të Madh dhe dëmi ishte aq i madh sa seksioni është “përtej riparimit”.

Incidenti ndodhi në provincën Shanxi në Kinën verilindore.

Segmentet më të hershme të Murit të Madh, që shtrihet mbi 6,437 kilometra në të gjithë Kinën, u krijuan për herë të parë në shekullin e tretë para Krishtit. Pjesët e mëvonshme u shtuan gjatë shekujve në vijim. Muri u bë një zonë e Trashëgimisë Botërore të UNESCO-s në vitin 1987.