Presidenti ukrainas Volodymyr Zelensky, ka bërë të ditur se vendi i tij ka kapacitete që të godasin objektivat e saj me raketa nga një distancë prej 700 kilometrash.
Tani sipas të parit të Ukrainës, ky shtet evropian mund të kryej sulme me raketa në distanca shumë të largëta – deri në 700 kilometra, transmeton Telegrafi.
Këto pretendime i konfirmoi në kanalin e tij në Telegram, duke theksuar se ka prova për “përdorimin e suksesshëm të armëve me rreze të gjatë veprimi: që kanë goditur objektiva nga 700 kilometra distancë”.
Ai me këtë ka aluduar se bëhet fjalë për raketa të prodhuara në Ukrainë e jo ato perëndimore, për të cilat edhe janë zotuar se nuk do t’i përdorin për të sulmuar brenda territorit të Rusisë.
