Skuadra e Baselit barazoi 2 me 2 në ndeshjen e parë çerekfinale të Ligës së Konferencës ndaj Nica-s, në një ndeshje tejet interesante. Futbollisti i klubit francez, Terem Moffi shënoi dy gola në këtë ndeshje, por shënimi i dytë ishte krejt tjetër nivel. Ai realizoi me stilin rovershat, një gol tejet të bukur pas asistit nga Laborde.
Goli i tij po krahasohet edhe me atë të Kristiano Ronaldos. Ky gol madje u shënua para syve të futbollistit shqiptar, Taulant Xhaka, i cili luajtu 90 minuta në barazimin 2 me 2.
Ndeshja e kthimit mes dy skuadrave zhvillohet menjëherë javën tjetër gjatë ditës së enjte.
