Kryetari i komunës së Tetovës, Bilall Kasami sot priti në takim ministrin e vetqeverisjes lokale z.Risto Penov i cili mban postin e ministrit të vetqeverisjes lokale, me të cilin nënshkruan Marrëveshjen për bashkëfinancimin e projektit të Programit Ndërkufitar IPA me Kosovën 2014-2020, shkruan Top24.
“Rruga e njohur si “Rruga e Butiqeve” do të ketë një fytyrë të re, do të ringjallim zejet e Tetovës, duke krijuar kushte më të mira për bizneset dhe zhvillimin e tyre. Jemi të hapur për bashkëpunim dhe punojmë në vazhdimësi për zhvillimin e qytetit tonë, në të gjitha segmentet e tij.” tha kryetari i komunës së Tetovës, Bilall Kasami, përcjellë Top24.
