Mirjana Radevska-Stefkova, Zoran Gerasimovski dhe Ivica Nikolovski, anëtarët e Këshillit Gjyqësor të Republikës së Maqedonisë së Veriut, dhanë deklaratë solemne para Kryetarit të Kuvendit, Talat Xhaferi dhe Sekretares së Përgjithshme të Kuvendit Cvetanka Ivanova.
Gjyqtarët Radevska-Stefkova, Gerasimovski dhe Nikollovski hyjnë në Këshillin Gjyqësor, pasi kanë marrë mbështetjen më të madhe nga kolegët e tyre në zgjedhjet e 14 shtatorit.
Ata do t’i zëvendësojnë tre anëtarët e deritanishëm të Këshillit gjyqësor, Kiro Zdraev, Gordana Spireska dhe Zoran Teofiloski, të cilët kanë dalë në pension.
