Zëvendëskryeministri i Maqedonisë së Veriut, Artan Grubi përmes një postimi në profilin e tij në FB ka ftuar të rinjtë në “Peace Forum Dialogue” i cili do të mbahet në Ohër me datë 10 deri më 12 Gusht të 2022 në përvjetorin e 21 të nënshkrimit të Marrëveshjes së Ohrit, shkruan Top24.
“Të dashur të rinj dhe të reja, mos e humbisni këtë mundësi të shkëlqyer për të studiuar aspektin përmbajtësor të Marrëveshjes së Ohrit, për të përvetësuar njohuri të reja mbi proceset e menaxhimit të konflikteve, ndërtimit të paqes, kohezionit social, demokracisë konsensuale dhe barazisë që ky dokument historik i etabloi në zhvillimin demokratik të vendit!” shkruan Grubi, përcjellë Top24.
