Forcat ukrainase kanë ndërmarrë një sulm me dronë ndaj një rafinerie të madhe nafte në qytetin rus të Volgogradit, si dhe ndaj një objekti prodhues në Rostov mbi Don.
Sipas Kyiv Independent, sulmet ndodhën gjatë natës, vetëm një ditë pas bisedimeve trepalëshe për paqe në Abu Dhabi.
Pamjet e publikuara në rrjetet sociale tregojnë flakë dhe shpërthime në rafinerinë Lukoil-Volgogradneftepererabotka, një nga më të mëdhatë në Rusi, me kapacitet përpunimi prej 15 milionë tonësh naftë bruto në vit.
Sulmi është pjesë e strategjisë ukrainase për të goditur infrastrukturën energjetike që furnizon ushtrinë ruse dhe për të dobësuar të ardhurat e Moskës nga nafta.
