Një sulm ka shënjestruar tubacionin e eksportit të gazit Al-Jabsa në zonën Al-Arbeidi, në rrethinat e Hasakahut, në verilindje të Sirisë, duke shkaktuar zjarr, transmeton Anadolu.
Zëdhënësi i Kompanisë Siriane të Naftës, Uday al-Satouf, tha për agjencinë siriane të lajmeve SANA se zona e sulmuar ndodhet 60 kilometra nga qyteti Al-Shaddadi.
“Sulmi shkaktoi zjarr përgjatë tubacionit”, tha ai.
“Autoritetet e specializuara po ndjekin zhvillimet për t’u marrë me shpërthimin dhe për të kufizuar pasojat e tij”, tha Al-Satouf.
Ai njoftoi se zona u izolua dhe se valvulat e seksionit përpara dhe pas segmentit të sulmuar u mbyllën, ndërsa ekipet e zjarrfikësve, sigurisë dhe mbrojtjes siguruan zonën përreth.
Nuk ka pasur informacione për viktima apo për autorët e sulmit.
