Me vetëm katër ditë të mbetura kohë për zgjedhjen e presidentit të ri, kryeministri i Kosovës, Albin Kurti, takoi të premten kryetarin e Partisë Demokratike të Kosovës, Bedri Hamzën.
Në takimin që zgjati dy orë nuk u arrit dakordim mbi çështjet kryesore të presidentit dhe ndryshimit të ligjit për Dhomat e Specializuara të Kosovës.
Ndërkohë që Vetëvendosje kërkon të arrihet dakordim fillimisht për presidentin dhe pastaj të diskutohet për ndryshimet ligjore.
Gjykata Kushtetuese, me aktgjykim, ka përcaktuar se 6 tetori është dita e fundit kur duhet të zgjidhet presidenti i ri i Kosovës.
Në rast se kjo nuk bëhet, vendi shkon në zgjedhje të jashtëzakonshme.
