Me shtrenjtimin e transportit ndërurban me autobus, rëndohet para së gjithash buxheti i studentëve, të cilët, për shembull, nga Tetova në Shkup dhe kthimi, si dhe në të dy drejtimet në relacionin Kumanovë-Shkup, në muaj do të duhet të ndajnë rreth 6000 denarë. Organizatat studentore reagojnë ndaj shtrenjtimit dhe kërkojnë që transporti me autobus të subvencionohet për studentët që studiojnë jashtë vendit ku jetojnë. Ministrja e Arsimit, Vesna Janevska, thotë se deri më tani tek ata nuk ka arritur asnjë iniciativë nga studentët, ndërsa kur të arrijë, do ta shqyrtojnë dhe, siç thotë, do të marrin vendim në kuadër të mundësive buxhetore.
“Si të gjitha iniciativat e tjera, edhe kjo do të shqyrtohet dhe do t’u përgjigjemi në kuadër të mundësive buxhetore. – A është paraparë të ketë subvencion për transportin ndërurban?
Por unë mendoj se isha plotësisht e qartë, do ta shqyrtojmë iniciativën, do të përgjigjemi në kuadër të mundësive tona buxhetore. Nuk mund të parashikoj një iniciativë që nuk ka arritur, do të shohim se çfarë mund të bëjmë”, theksoi Vesna Janevska – ministre e Arsimit.
