Dokumentari “NAZA” ka shkaktuar polemika të ashpra politike në Izrael, me ministrin e Kulturës Mickey Zohar që njoftoi se do të kërkojë t’u heqë regjisorëve të tij, Yuval Abraham dhe Rachel Shor, shtetësinë izraelite, duke i akuzuar ata për “tradhti ndaj shtetit”.
Reagimi i ministrit izraelit erdhi pasi filmit “NAZA” iu dha Çmimi Special i Jurisë në Festivalin e Filmit në Venecia të shtunën.
“Do të veproj menjëherë për t’u hequr Yuval Abraham dhe Rachel Shor shtetësinë izraelite”, tha Mickey Zohar në një postim në platformën X.
Ministri akuzoi dy krijuesit se po përpiqeshin të “dëmtonin atdheun e tyre për të marrë duartrokitjet e antisemitëve në të gjithë botën”, duke argumentuar se qëndrimi i tyre përbënte “tradhti ndaj shtetit”.
