“Ky vizion i Ukrainës si një vend europian është shumë i rëndësishëm. Dhe në shumë mënyra Ukraina e ka merituar tashmë të jetë pjesë e tij. Njerëzit shohin atë që ne tashmë bëjmë për Europën. Ne përfaqësojmë sigurinë fizike të Europës.”
Kështu deklaroi presidenti ukrainas, Volodymyr Zelensky, i cili duke folur në konferencën e Rindërtimit, nënvizoi fjalët e Olaf Scholz, kur kancelari tha se ata që investojnë në Ukrainë po investojnë në një anëtar të ardhshëm të BE-së.
“Ne nuk po luftojmë vetëm për sigurinë e Ukrainës dhe fqinjëve tanë, por edhe për sigurinë e Europës”, shtoi ai.
