Vuçiqi të mërkurën do t’ua dorëzojë çmimet Gjuriqit, drejtorit të suspenduar të Drejtorisë Rajonale të Policisë së Mitrovicës Veriore në Republikën e Kosovës dhe kapitenit Aleksandar Filipoviq, i cili ishte në detyrë shef i Drejtorisë Rajonale të Policisë së Mitrovicës Veriore, shkruan Kuriri serb.
Ai do t’ua dhurojë “Medaljen e Artë për Guxim”, e cila në Serbi ndahet për veprimet në të cilat “del në pah guximi personal”.
“Urdhri i Meritës për Mbrojtje dhe Siguri, shkalla e parë, e cila jepet për kryerje mbi mesataren, shembullore dhe me nder të detyrave dhe detyrave në fushën e mbrojtjes dhe sigurisë”, thuhet në njoftimin e Presidencës serbe.
Gjuriqi kishte dalë në konferencë për media, bashkë me udhëheqësit e Listës Serbe dhe kishte njoftuar se kanë vendosur të mos e zbatojnë masën e qortimit.
Pas këtij vendimi, Inspektorati Policor i Kosovës kishte kërkuar suspendimin e tij.
Policia e Kosovës e suspendoi dhe të gjithë policët serbë, rreth 400, zhveshën uniformat dhe dorëzuan pajisjet, duke protestuar kështu me largim suspendimin e Gjuriqit.
