Nga VMRO-DPMNE, kanë akuzuar se Kovaçevski, tërësisht është i varur nga BDI, nuk i lejohet të thotë asnjë fjalë për krimin dhe mosrespektimin e shtetit, Kushtetutës, por edhe Marrëveshjes Kornizë nga Bujar Osmani.
“Përderisa Osmani në një takim me kolegun e tij nga Spanja sillet në mënyrë të pahijshme ndaj Maqedonisë dhe poshtëron vendin në skenën ndërkombëtare, Kovaçevski vetëm turpërohej. Ai nuk guxon as ta dënojë, e aq më pak ta sanksionojë, sepse nëse e bën këtë të nesërmen, qeveria e tij do të bjerë dhe kështu ai nuk do të mund të qëndrojë në pushtet edhe një ditë dhe të vjedhë popullin”, thuhet në kumtesën e VMRO-së.
Sipas tyre, Kovaçevski sillet ashtu siç është dhe vetëm si kryeministër jo, Bujar Osmani nuk e respekton sundimin e ligjit dhe në një takim zyrtar me një ministër të një shteti tjetër, mori përsipër të flasë në gjuhën shqipe, edhe pse sipas Kushtetutës, e vetmja gjuhë zyrtare për përdorim ndërkombëtar në Maqedoni është gjuha maqedone.
Nga VMRO, kanë shtuar se BDI dhe Osmani po e vendosin veten në hartë se mostoleranca etnike shkaktohet sa herë që dikush kërkon përgjegjësi për krimin e kryer, shkelje të Kushtetutës, ligjeve apo poshtërim të shtetit.
