Të nderuar qytetarë,
Të nderuar përfaqësues të mediave,
Ditëve të fundit, kryetari i Komunës së Tetovës, Bilall Kasami, deklaroi publikisht se rruga Tetovë–Prizren “ka filluar”.
Ne jemi këtu për ta sqaruar këtë, me fakte.
Sepse faktet zyrtare nga Ministria e Transportit janë të qarta:
Projekti është ende në fazë fillestare, po përgatitet dokumentacioni nuk ka procedurë tenderimi dhe nuk ka filluar ndërtimi.
Pse qytetarëve po u thuhet e kundërta?
Kjo nuk është gabim. Është krijim i një realiteti të rremë.
Një ndërhyrje në rrugë lokale nuk është projekt ndërkufitar. Ta paraqesësh si të tillë është manipulim.
Tani kemi një situatë absurde: qeveria flet për projektim, komuna për
ndërtim.
Kjo nuk është dallim interpretimi, është kontradiktë me faktet.
Dhe kur faktet janë kaq të qarta, përfundimi është i vetëm: qytetarëve po u shitet propagandë si realitet.
Prandaj, kur dikush thotë të kundërtën, nuk po informon, po mashtron.
