Presidenti amerikan Donald Trump deklaroi se Izraeli duhet të tregojë më shumë përgjegjësi në veprimet e tij ndaj Libanit, duke kritikuar një nga sulmet e fundit izraelite në Bejrut.
I pyetur nëse është i zhgënjyer nga kryeministri izraelit Benjamin Netanyahu, Trump tha se marrëdhënia mes tyre mbetet shumë e mirë, por theksoi se lideri izraelit duhet të veprojë me më shumë kujdes në raport me Libanin. “Kam një marrëdhënie të shkëlqyer me të, por ai duhet të jetë më i përgjegjshëm në lidhje me Libanin. Nuk më pëlqeu që ai kreu një sulm… kjo ishte e tepërt”, u shpreh Trump.
Komentet e tij vijnë në një kohë tensionesh të larta në rajon, ndërsa komuniteti ndërkombëtar po bën thirrje për përmbajtje dhe shmangie të një përshkallëzimi të mëtejshëm të konfliktit.
