Arben Taravari, kryetari i ASh-së, i shoqëruar nga kandidatët për kryetarë komunash nga kjo parti në Maqedoni, ka realizuar edhe sot takime në Shqipëri.
Ka ndaluar edhe në Pustec, ku ka takuar kryetarin e saj, Pali Kolefski.
“Patëm një takim shumë të mirë me kryetarin e Bashkisë së Pustecit Pali Kolefski.
Biseduam për shumë projekte të përbashkëta dhe shprehëm gatishmëri të ndërsjelltë për më shumë lidhje midis vendeve tona. Shqipëria është një shembull i shkëlqyer për mundësitë e barabarta dhe të drejtat që jep për të gjithë qytetarët e saj”, tha Taravari.
