Zëvendëskryeministri i parë, Besnik Tahiri, ka thënë se në dialog nuk do të diskutohet për Asociacionin e Komunave me Shumicë Serbe.
Përmes një postimi në “Facebook”, Tahiri thotë se rreth dialogut argumentet janë në anën e Kosovës, ndërsa sa i përket Ujmanit ai thotë se “nuk kemi nevojë të kemi frikë”.
“Rreth dialogut duhet të thuhet saktë se argumentet janë në anën tonë, duhet të kemi kujdes nga tri fushat e minuara: e para, si do të shkojë procesi i fizibilitetit për Ujmanin. Nuk kemi nevojë të kemi frikë. Fusha e dytë e minuar është Asociacioni. Ne jemi siguruar nga kryeministri Hoti që nuk do të diskutohet, ne jemi të mbrojtur me vendimin e Gjykatës Kushtetuese sa i përket Asociacionit”, ka shkruar ai.
Problem të tretë e konsideron marrëveshjen finale, prandaj thotë se nuk duhet të pranohet vetëm normalizimi i raporteve, që sipas tij nuk ka asnjë efekt.
“Problemi i tretë është ideja që të mos shkohet në marrëveshje finale, por vetëm në normalizim të raporteve. Nuk duhet të pranojmë këtë normalizim, pasi nuk ka asnjë efekt”, ka përfunduar Tahiri. /Zëri
Rreth dialogut duhet të thuhet saktë se argumentet janë në anën tonë, duhet të kemi kujdes nga tri fushat e minuara: e para, si do të shkojë procesi i fizibilitetit për Ujmanin. Nuk kemi nevojë të kemi frikë. Fusha e dytë e minuar është asociacioni. Ne jemi siguruar nga kryeministri Hoti që nuk do të diskutohet, ne jemi të mbrojtur me vendimin e Gjykatës Kushtetuese sa i përket asociacionit. Problemi i tretë është ideja që të mos shkohet në marrëveshje finale, por vetëm në normalizim të raporteve. Nuk duhet të pranojmë këtë normalizim, pasi që nuk ka asnjë efekt. Kjo ishte esenca që e thash në intervistën në Kanal10.
