Më shumë se 20.000 luftëtarë rusë janë vrarë në betejën për qytetin ukrainas të Bahmutit, në pesë muajt e fundit, njoftojn autoritet amerikane.
Rreth 80.000 të tjerë janë plagosur, tha zëdhënësi i Këshillit të Sigurisë Kombëtare, John Kirby, duke u thirrur në informacione të deklasifikuara të inteligjencës.
Gjysma e të vrarëve janë nga grupi privat mercenar “Wagner”, tha ai. Nëse është i saktë, numri i viktimave ruse tejkalon popullsinë e qytetit të Balhmutit përpara luftës, që përbëhej prej rreth 70.000 banorësh.
Moska po përpiqet ta marrë kontrollin e Bakhmutit që nga viti i kaluar. Beteja për qytetin e vogël, ku kanë mbetur vetëm disa mijëra civilë, ka marrë një rëndësi të madhe simbolike për të dyja palët. Megjithatë, Ukraina kontrollon tani vetëm një pjesë të vogël të këtij qyteti.