Xhezair Shaqir i njohur Komandant Hoxha i UÇK-së ka komentuar ngjarjet e fundit me incidentin me kryetaren e Shkupit, Danella Arsovska, që sipas tij është provokuar nga ajo dhe sillet si viktimë.
Ja postimi i tij:
Çfarë do të thotë të jetosh me intrigat e mediave në ditët e sotme!
Para disa javësh, të njëjtin djalë e larguan nga puna në Ndërmarrjen Publike “Parqet dhe Gjelbërimi” në Shkup – me urdhër të Danellës dhe Blerimit. E sot, ajo shkon para derës së shtëpisë së tij, bën foto, provokon me fjalë, dhe në video duket qartë që e godet me këmbë. Djali, pa e kuptuar mirë se çfarë po ndodh, reagon me disa sharje të momentit – si pasojë e provokimit të ulët.
Tani, ajo del para mediave e sillet si viktimë!
Askush nga këto media “të pavarura” nuk e përmend faktin pse ky djalë u largua nga puna dhe çfarë kërkonte Danella para derës së tij, në lagjen e tij!
Ndërkohë, vëllai i tij – Baruti – pa e ditur fare se çfarë ka ndodhur, sulmohet nga të gjitha anët nga media dhe portalet.
Hajmedet, në çfarë kohe po jetojmë!”, ka shkruar Xhezair Shaqiri.
