Cristiano Ronaldo thuhet se do ta fillojë ndeshjen hapëse të sezonit të ri 2022/23 në Premierligë nga stoli me Manchester Unitedin.
Ylli 37-vjeçar së fundmi ka shprehur dëshirën të largohet nga “Old Trafford”, pas një sezoni të vetëm, pasi kërkon të luajë në Ligën e Kmapionëve, ndërsa humbi turneun parasezonal të Unitedit në Australi dhe Tajlandë.
Superylli portugez ka 12 muaj të mbetur në marrëveshjen e tij prej 360,000 £ në javë me “Djajtë e Kuq”.
Ronaldo u rikthye në United kundër skuadrës spanjolle Rayo Vallecano – duke luajtur vetëm 45 minuta para se të largohej nga fusha.
Tani, sipas asaj që raporton “The Sun”, trajneri, Erik ten Hag ka vendosur që Ronaldo të fillojë ndeshjen hapëse të United në sezonin e Premier Ligë kundër Brighton në pankinë.
Trajneri holandez do t’i shpërblejë Jadon Sancho, Anthony Martial dhe Marcus Rashford me një vend në 11-shen fillestare, pasi bëri përshtypje gjatë fushatës së tyre parasezonale.
Megjithatë, Ten Hag po djersitet për gjendjen fizike të Martial vetëm katër ditë pas hapjes së tyre në Premier Ligë kundër Brightonit të dielën.
Francezi pësoi një dëmtim në humbjen 1-0 të United ndaj Atletico Madridit në parasezon, duke u larguar nga fusha pas një ore duke mbajtur këpucat e tij.
Kjo vjen si një goditje për trajnerin holandez pasi Martial kishte rizbuluar formën e tij më të mirë ndërsa ishte larg në turneun parasezonal të Unitedit këtë verë.
Pasi ra në favor sezonin e kaluar dhe u dërgua në huazim te Sevilla, Martial mund të priste të largohej nga klubi këtë verë, por ai luajti një rol të rëndësishëm në para-sezon dhe ka të ngjarë të luajë një rol kyç në planet e Ten Hag për të ecur përpara.
Nëse Martial përjashtohet, Ten Hag mund t’i drejtohet Ronaldos.
Megjithatë, Ronaldo e ka bërë të qartë se dëshiron të largohet nga klubi këtë verë dhe të sigurojë një transferim përpara ndeshjes hapëse të sezonit të United.
