Në Republikën e Maqedonisë së Veriut, 1.814.263 qytetarë do të mund të votojnë në 3.390 vendvotime për zgjedhjet e parakohshme parlamentare. Për herë të parë në Maqedoninë e Veriut për shkak të situatës me virusin korona procesi zgjedhor do të zhvillohet tre ditë rrjesht.
Sonte në mesnatë Maqedonia e Veriut do të hyjë në heshtje zgjedhore, ndërsa nesër në ora 07:00 të mëngjesit do të fillojë procesi zgjedhor, me të cilën të drejtën e votës do të mund ta shfrytëzojnë personat e prekur me Covid-19.
