Rihanna dhe A$AP Rocky u bënë prindër për herë të tretë. Vajza e tyre erdhi në jetë më 13 shtator 2025 dhe zbulohet se quhet Rocki Irish Mayers, duke ndjekur traditën e familjes që çdo emër të fillojë me shkronjën “R”.
Çifti janë tashmë prindër të dy djemve: RZA, tre vjeç, dhe Riot, dy vjeç. Shtatzënia e fundit e yllit të muzikës u konfirmua në Met Gala 2025, ku Rihanna shfaqi barkun me një stil unik nga Marc Jacobs.
Nga ana tjetër, A$AP Rocky ka folur shpesh për gëzimin e të qenit baba. Në një intervistë të mëparshme për Apple Music, ai e përshkroi përvojën e prindërimit si “të pashpjegueshme”.
