Zvicra ka njoftuar anulimin e një konference mbi zbatimin e Konventave të Gjenevës në territorin e okupuar palestinez për shkak të mungesës së pjesëmarrësve.
Vendi kishte ftuar 196 palë të konventave për të marrë pjesë në konferencën e 7 marsit në Gjenevë mbi situatën e civilëve që jetojnë në territoret e okupuara nga Izraeli. Por tre burime diplomatike i thanë Reuters se konferenca është anuluar.
Një diplomat palestinez tha për Reuters të premten se delegacioni i tij nuk kishte planifikuar të merrte pjesë në këtë ngjarje, duke theksuar se një draft dokumenti i shpërndarë mes pjesëmarrësve nuk përmbushte pritshmëritë e tyre. Izraeli gjithashtu ka kritikuar këtë event.
