Presidenti i Rusisë, Vladimir Putin, ka reaguar pasi homologu i tij amerikan, Joe Biden, e quajti vrasës, duke thënë se njerëzit kanë prirje që t’i shohin të tjerët ashtu si janë vetë dhe duke u tallur i uroi shëndet.
Putini këtë deklaratë e dha në televizionin kombëtar pasi homologu i tij u përgjigj me “po”, kur në një intervistë për televizionin ABC News u pyet nëse beson që Putini është vrasës.
Bideni gjithashtu tha se Putini nuk ka shpirt dhe premtoi se homologu i tij do të paguajë një çmim për ndërhyrjen e pretenduar të Rusisë në zgjedhjet presidenciale të vitit të kaluar në ShBA, diçka që Kremlini e mohon.
Në një vendim të pazakontë pas intervistës së Bidenit, Rusia të mërkurën tha se e ka thirrur ambasadorin e vet në ShBA për konsultime urgjente rreth të ardhmes së raporteve me Shtetet e Bashkuara, shkruan Reuters
