Me ngjyrë të kuqe të hedhur në objektin e qeverisë ka përfunduar protesta ku u kërkua që vrasjet e grave në Kosovë të trajtohen si urgjencë kombëtare.
Kryeministër i ke duart me gjak, Drejtësi për Marigona Osmanin ishin brohoritjet e protestuesve, protestë kjo që vjen pas vrasjes së Marigona Osmanit e nga partneri i saj dhe shoku i tij.
Protesta e organizuar nga disa organizata për mbrojtje të grave ka nisur para Ministrisë së Drejtësisë ku u kërkua shkarkimi i të gjithë prokurorëve, gjykatësve dhe policëve që nuk i trajtojnë rastet me seriozitet sipas Kodit të procedurës Penale.
Ndërsa më pas ka vazhduar te Ministria e Punëve të Brendshme ku para protestuesve doli edhe Ministri i Brendshëm Xhelal Svecla.
Ndërkohë Këshilli Gjyqësor i Kosovës ka njoftuar se është duke shqyrtuar neglizhencën eventuale në rastin e Dardan Krivaës.
Dardan Krivaqa dhe Arbër Sejdiu të dyshuarit për vrasjen e Marigona Osmanit aktualisht ndodhen në paraburgim njëmuajsh.
