Ditë më parë në adresën e Gjykatës Speciale u adresua një kërkesë nga ish-zëdhënësi i UÇK-së, Jakup Krasniqi. Ky i fundit kërkoi që përderisa Gjykata Speciale është në pushimet e verës, atij t’i mundësohet një lirim me kusht i përkohshëm në Kosovë.
Kjo është bërë e ditur në një parashtrim që është bërë publik në fundin e muajit korrik.
“Mbrojtja kërkon nga trupi gjykues të autorizojë z. Lirimi i përkohshëm i Krasniqit për një periudhë dy javore, për t’i lejuar atij të kalojë një pjesë të pushimit në Kosovë me familjen e tij, në pajtim me nenin 41(6) të Ligjit Nr.05/L-053 për Dhomat e Specializuara dhe Prokurorinë e Specializuar (” Ligji”) dhe Rregulli 57(2) i Rregullores së Punës dhe Provave para Dhomave të Specializuara të Kosovës”, thuhet në këtë dokument të cilin e ka parë Nacionale.
