Ministri i Shtetit për Diasporën, Pandeli Majko ka reaguar pas fotos që publikoi presidenti serb Aleksandër Vuçiç, ku shihej harta e Kosovës me flamurin serb.
Me anë të një postimi në rrjetet sociale Majko shprehet se ky veprim i Vuçiç tregon se i pëlqen papajtueshmëria.
Ndër të tjera ai shkruan se Sovraniteti i Republikës së Kosovë garantohet nga NATO dhe jo nga instagrami.
“Me publikimin e fotos së Republikës së Kosovës me flamurin serb, Presidenti i Serbisë Vucic, tregon se i pëlqen papajtueshmëria. Ky është një problem i shtetit serb dhe i seriozitetit të zgjedhur në Beograd.
Republika e Serbisë nënshkroi një deklaratë në zyrën ovale të Shtëpisë së Bardhë për të respektuar procesin e paqes rajonale. Diplomacia e fotove në instagram zhvlerëson seriozitetin e shtetit serb në mardhëniet ndërkombëtare.
