Ministri i Ekonomisë dhe Punës, Besar Durmishi përmes një postimi ka bërë të ditur se në mbledhjene sotme të këshillit Ekonomik Social morën vendim që Paga minimale për vitin 2026 rritet në 38.507 denarë bruto, përkatësisht 26.046 denarë neto, ose 1646 den më shumë nga paga 24.400 den e cila është aktualisht, shkruan Top24
“Kjo rritje prej 6.86% është rezultat i formulës ligjore që garanton harmonizim të drejtë dhe të qëndrueshëm, bazuar në rritjen e pagës mesatare dhe indeksin e shpenzimeve të jetesës sipas të dhënave të Enti Shtetëror i Statistikës.” shkruan Durmishi.
Sot, në seancën e gjashtë të Këshillit Ekonomik Social morëm vendim të rëndësishëm për qytetarët dhe punëtorët tanë.
Paga minimale për vitin 2026 rritet në 38.507 denarë bruto, përkatësisht 26.046 denarë neto.Kjo rritje prej 6.86% është rezultat i formulës ligjore që garanton harmonizim të drejtë dhe të qëndrueshëm, bazuar në rritjen e pagës mesatare dhe indeksin e shpenzimeve të jetesës sipas të dhënave të Enti Shtetëror i Statistikës.
Njëkohësisht, prezantuam edhe rezultatet e punës së Inspektoratit Shtetëror të Punës dhe Inspektoratit Shtetëror të Tregut për vitin 2025, me mbi 47 mijë kontrolle të realizuara, parregullsi të konstatuara dhe masa konkrete për mbrojtjen e të drejtave të punëtorëve dhe konsumatorëve.Institucionet funksionojnë.
Reformat vazhdojnë.
Angazhimi ynë për drejtësi sociale dhe ekonomi të qëndrueshme mbetet prioritet.
