Kryeministri Mickoski theksoi se ka indicie dhe dëshmi për krim epik dhe keqpërdorim të shumave të mëdha parash, në disa institucione nga qeveria e kaluar e LSDM-së dhe BDI-së, të cilat organet duhet të hetojnë seriozisht sepse ka mungesë të parave dhe nuk ka projekte dhe zbatime në terren Kryeministri Hristijan Mickoski në një intervistë për javoren Fokus theksoi se ka indicie dhe dëshmi për krim epik dhe keqpërdorim të shumave të mëdha parash, në disa institucione nga qeveria e kaluar e LSDM-së dhe BDI-së, të cilat organet duhet të hetojnë seriozisht sepse ka mungesë të parave dhe nuk ka projekte dhe zbatime në terren. “Nëse keni mungesë prej 5 miliardë denarë, që është më shumë se 80 milionë euro, për të paguar pensionet e rregullta, e kam fjalën për pensione të rregullta, pa ato rregullime 2 herë vjetore sipas ligjit, pa rritje. Dhe, kur sheh në disa institucione të tjera, ku financohen projekte të caktuara, të cilat ishin të një rëndësie thelbësore para së gjithash për BDI-në, por edhe për LSDM-në, atëherë arrini në përfundimin se dikush këtu me vetëdije e ka keqpërdorur buxhetin për financimin e projekteve, përmes kësaj ka dyshime të arsyeshme se paratë janë keqpërdorur. Në terren nuk shohim realizimin dhe përparimin e atyre projekteve. Para së gjithash, mendoj për projektet që kanë të bëjnë me ndërtimin e korridorit 8 dhe 10-D”, tha kryeministri Mickoski.
Kryeministri Mickoski theksoi se në “Pyjet Kombëtare” mungojnë edhe gjysmë miliardë denarë, gjegjësisht mbi 8 milionë euro, mjete për borxhe, por nëse shihni se faturat janë të dyfishta, tre herë më të mëdha se zakonisht, atëherë ju bëjini vetes pyetjen që dikush atje u përpoq të abuzonte.
Duke folur për keqpërdorimet e bëra nga qeveria e kaluar, kryeministri Mickoski theksoi se mund të jetë e kuptueshme që një tender të ketë çmim 15, 20 për qind më të lartë, ja edhe 25 për qind, por jo 200 për qind, domethënë nuk është normale. “Nëse jeni duke bërë një projekt me rëndësi kapitale, siç është hekurudha drejt Bullgarisë, dhe nëse ai projekt përfundon në një rrugë qorre ose në gjysmë tuneli, pa asnjë siguri se si do të zhvillohet më tej. Dhe nëse për atë projekt duhet të shpenzoni 560 milionë euro, prej të cilave 360 milionë euro janë para të taksapaguesve maqedonas, dhe 200 milionë euro janë grante apo para të taksapaguesve europianë, sipas Rregullores FIDIC. Dhe çdo inxhinier që punon me Red apo Red FIDIK e di që ai projekt mund të rritet deri në 750-800 milionë euro me penalitete. Nëse shpenzoni gjysmë miliardë euro nga paratë e qytetarëve për të ndërtuar 24 kilometra, 22 tunele, hyni në Kriva Pallankë dhe prishni 20 shtëpi dhe dëboni 20 familje dhe përfundoni në një rrugë qorre, domethënë në gjysmë tuneli, nuk është normale”, theksoi kryeministri Mickoski.
Në REC Manastir, kryeministri Mickoski theksoi se diferenca nga vetëm një marrëveshje është 40 milionë euro. “Në këtë moment mund të them se vetëm në REC Manastir nga gjysma e dytë e vitit 2021 deri në maj 2024 janë marrë përafërsisht 1 milion e 600 mijë ton thëngjill. Sepse dihet saktësisht nga miniera se sa është transporti, është 8.5 euro për ton, sa kushton xeherorja në minierë, sa shitet në REC Manastir. Vetëm në këtë periudhë, vetëm për këtë marrëveshje, vij te fakti befasues se diferenca është rreth 40 milionë euro. Është grabitje dhe joetike. Asnjë biznesmen normal dhe i ndershëm nuk do të merrte një marrëveshje të tillë”, tha kryeministri Mickoski.
