Liverpool ka filluar të ndjekë objektivin e Juventusit, Teun Koopmeiners, teksa po kërkon të ribashkojë mesfushorin me trajnerin e tyre të ardhshëm, Arne Slot.
Jurgen Klopp është gati të largohet nga Reds në fund të këtij sezoni, pasi një periudhe nëntëvjeçare në Merseyside, dhe klubi ka vendosur të emërojë Slot si trajnerin e tyre të ardhshëm. Gjithçka që duhet tani është një marrëveshje me Feyenoordin, që janë të prirë ta lirojnë.
Në anën tjetër, Koopmeiners ka vazhduar të shkëlqejë me Atalantën e Gian Piero Gasperinit këtë sezon, duke shënuar 14 gola dhe duke dhënë gjashtë asistime në 44 paraqitje.
Ai ka tërhequr vëmendjen e klubeve të ndryshme duke përfshirë Juventusin, Manchester Unitedin dhe tani Liverpoolin.
Calciomercato.com shkruan se si Liverpool ka filluar të peshojë seriozisht një lëvizje për Koopmeiners ndërsa ata kërkojnë përforcime për trajnerin e ardhshëm Slot.
Dyshja kaluan një sezon së bashku në AZ Alkmaar në sezonin 2019-20, ku mesfushori shënoi 16 gola në 42 ndeshje.
Atalanta e vlerëson 26-vjeçarin me rreth 60 milionë euro, një çmim që është më i arritshëm për të kuqtë sesa për Juventusin që ka shumë interesim.
