Maturantët që deri më tani kanë bojkotuar mësimet nga sot do të kthehen në klasat online, por presin që të pranohen deri në fund të muajit kërkesat që të shkurtohet matura shtetërore. Përndryshe, radikalizimi i protestave paralajmërohet duke vendosur çadra para Ministrisë së Arsimit.
Ata presin që Parlamenti Maqedonas të votojë ndryshimet në Ligjin për Arsimin e Mesëm në lidhje me mënyrën e dhënies së provimit shtetëror. Në vend të katër të provimeve, kërkohet që ata tu nënshtrohen vetëm në dy lëndë – gjuhë amtare dhe një lëndë në fushën që i diplomuari planifikon të studiojë.