LSDM ka paralajmëruar se Qeveria do të ndajë kartela pagesore për pensionistë, të papunësuar dhe për prindërit vetushqyes.
Siç thuhet në kumtesën e kësaj partie, masa e katërt e cila do të prezantohet së shpejti, do të reflektojë në nevojat reale të kompanive dhe qytetarëve, dhe do të zhvillojë ekonominë.
“Për t’u stimuluar shitblerja private dhe të përforcuar fuqia blerëse, kartelat pagesore do u ndahen pensionistëve me pensione deri në 15 mijë denarë, kërkuesve pasivë për punë, si dhe prindërve vetushqyes. Paketa parasheh dhe masa stimulative për kthim në punë të personave që u larguan nga puna gjatë kohës së krizës, ndërsa vazhdon mbështetja për kompanitë me qëllim ruajtjen e vendeve të punës”, thuhet në kumtesë.
Nga partia thonë se Qeveria në tre setet e para të masave, ka arritur që ndjeshëm të zbutë efektet negative mbi ekonominë, përmes sigurimit të likuiditetit të kompanive dhe luftën për ruajtjen e çdo vendi pune, e njëkohësisht me kartelat pagesore dhe vauçerët për turizëm ka nxitur ekonominë dhe shitblerjen vendore.
