Kryeministri i Kosovës, Albin Kurti pas takimit të djeshëm me kryetarin e Aleancës për Shqiptarët, Arben Taravari dhe pas mohimit të pjesëmarrjes së Lëvizjes Vetvendosje në zgjedhjet e 8 Majit aji mëngjesim e sotëm sërish ka reaguar përmes një postimi ku ka kujtuar shqiptarët e Maqedonisë se më shumë sesa fat, e kanë vetëdije historike e kombëtare orientimin e qartë euro-atlantik, shkruan Top24
Në Shkup, në margjina të konferencës së liderëve të rajonit për Planin e Rritjes së BE-së, bashkë me kryeministrin Rama takuam dhe bashkëbiseduam me Arben Taravarin, Kryetarin e Aleancës për Shqiptarët.
Shqiptarët më shumë sesa fat, e kanë vetëdije historike e kombëtare orientimin e qartë euro-atlantik dhe ndërtimin e aleancave mbi vlera e bindje. Sfidat shpesh i kemi të ngjashme e të përbashkëta. Shërbimin ndaj qytetarëve duhet përherë ta kemi qëllim të palëkundur të angazhimit politik. E në rrugë e sipër na duhet të jemi krah për njëri-tjetrin, për zhvillim, demokratizim, reformë, progres dhe mirëqenie.
