Kryetari i komunës së Tetovës Bilall Kasami sot ka pritur në takim ambasadorin e Republikës së Shqipërisë y. Fatos Reka shkruan TOP24.
Kreu i Tetovë në profilin e tij në FB ka shkruar se “Në vazhdën e takimeve miqësore, pata kënaqësinë ta mirëpres në takim edhe Ambasadorin e Republikës së Shqipërisë në Republikën e Maqedonisë së Veriut z. Fatos Reka, me ç’rast pranova urimet e përzemërta për detyrën e re si Kryetar i Komunës së Tetovës.
Përgjatë takimit, ndër të tjera diskutuam edhe për thellimin e bashkëpunimit në vazhdimësi në mes të Komunës së Tetovës dhe Ambasadës së Republikës së Shqipërisë në Maqedoni”
