Kryeministri i Pakistanit, Shehbaz Sherif, i quajti sulmet izraelite një akt “i rëndë dhe tmerrësisht i papërgjegjshëm” që rrezikon më tej destabilizimin e një rajoni të dhunshëm.
Ai i bëri thirrje komunitetit ndërkombëtar për të parandaluar çdo përshkallëzim që mund të kërcënojë paqen rajonale dhe botërore.
“I shpreh ngushëllimet e mia më të thella popullit iranian për humbjet e jetëve nga ky sulm”, shkroi ai në rrjetin X.
Pakistani nuk ka marrëdhënie diplomatike me Izraelin.
Ministri i Jashtëm, Ishaq Dar, tha se një njësi emergjence dhe menaxhimi krize është e disponueshme për të ndihmuar nënshtetasit pakistanezë në Iran./tvklan.al
