Kritiku i Putinit, Sergei Udaltsov, dënohet me 6 vjet burg për terrorizëm në Rusi
26 Dhjetor, 2025
Less than a minute
Sergei Udaltsov, Russian left-wing political activist stands in a cage in a courtroom in Moscow, Russia, Friday, Jan. 12, 2024. Sergei Udaltsov, a Russian pro-war activist and critic of President Vladimir Putin, was remanded into custody Thursday over alleged terrorism offenses, his lawyer told the Russian state news agency Tass. (AP Photo/Alexander Zemlianichenko)
Një gjykatë në Rusi dënoi të enjten me gjashtë vjet burg Sergei Udaltsovin, një kritik i njohur i presidentit Vladimir Putin, nën akuzën për terrorizëm, raportoi “The Guardian”.
Udaltsov është udhëheqës i lëvizjes opozitare Fronti i Majtë, e cila kundërshton Kremlinin dhe konsiderohet e afërt me Partinë Komuniste. Ai u arrestua vitin e kaluar. Sipas portalit rus të lajmeve Mediazona, akuzat ndaj Udaltsovit lidhen me një artikull që ai kishte publikuar në internet, në të cilin shprehte mbështetje për një grup aktivistësh rusë të akuzuar për formimin e një organizate terroriste. Anëtarët e këtij grupi u dënuan këtë muaj me dënime që variojnë nga 16 deri në 22 vjet burgim.
Udaltsov i ka mohuar vazhdimisht akuzat, duke i cilësuar ato si të sajuara dhe me motive politike. Pas shpalljes së vendimit, ai e quajti dënimin “të turpshëm” dhe njoftoi se do të nisë një grevë urie në shenjë proteste.
