Shefi i OBSH-së Tedros Adhanom Ghebreyesus bëri thirrje sot për të filluar një hetim të ri nga ekspertë të specializuar në rrjedhjen e pretenduar të virusit që shkaktoi pandeminë COVID-19 nga laboratorët në Kinë dhe paralajmëroi që ekspertët ndërkombëtarë nuk kanë qasje të papenguar në të dhëna.
Megjithëse ekspertët që hulumtuan origjinën e virusit në janar dhe shkurt në Kinë e konsideruan hipotezën e rrjedhjes laboratorike më pak të mundshme, “kërkohen kërkime të mëtejshme, në misione të reja me ekspertë të specializuar unë jam gati të vendos”, tha Ghebreyesus në një konferencë me vendet anëtare mbi raportin e publikuar zyrtarisht sot.
Supozimi se virusi i shkaktuar nga COVID-19 mund të ishte larguar nga laboratori u mbështet fuqimisht nga administrata amerikane e ish-presidentit Donald Trump, bazuar në informacionin nga shërbimet e tyre të inteligjencës. Kina gjithmonë e ka hedhur poshtë me vendosmëri atë mundësi.
Ai gjithashtu theksoi se ekspertët ndërkombëtarë thanë se kishin vështirësi në qasjen e të dhënave gjatë qëndrimit të tyre në Kinë.
“Shpresoj që hetimet e reja të përbashkëta do të bazohen në një shpërndarje më të gjerë dhe më të shpejtë të të dhënave,” shtoi kreu i Organizatës Botërore të Shëndetësisë (OBSH)./kp
