Kina bën thirrje për krijimin e një sistemi të drejtë e të barabartë të qeverisjes globale dhe nxitjen e ndërtimit të një bashkësie me një të ardhme të përbashkët për njerëzimin, theksoi ministri i Jashtëm kinez Wang Yi gjatë një konference shtypi në Pekin.
Kina do ta marrë 80-vjetorin e themelimit të Kombeve të Bashkuara si një rast për të punuar me të gjitha palët për të nxjerrë mençuri nga historia, për të sjellë një epokë të re multilateralizmi, për të ndërtuar një sistem të drejtë e të barabartë të qeverisjes globale dhe për të nxitur ndërtimin e një bashkësie me një të ardhme të përbashkët për njerëzimin, vuri në dukje ai.
Ndërsa peizazhi ndërkombëtar po kalon transformime e turbullira, me mangësi në rritje sa i përket paqes, zhvillimit dhe qeverisjes, qeverisja globale ka arritur në një udhëkryq historik, tha kryediplomati kinez, duke shtuar që komuniteti ndërkombëtar ka shumë shpresa te forcimi i rolit të OKB-së dhe te trajtimi së bashku i sfidave globale e i çështjeve të nxehta rajonale.
Një botë shumëpolare nuk është vetëm një pashmangshmëri historike, por po bëhet gjithashtu një realitet, tha Wang, duke theksuar që Kina do të jetë një faktor sigurie në këtë sistem shumëpolar dhe do të përpiqet të jetë një forcë konstruktive e qëndrueshme në një botë në ndryshim.
