Ish-deputetja e AAK-së, Time Kadrijaj, ka reaguar pas gjuhës kërcënuese të mërgimtarit Naser Xhylani, militant i Lëvizjes Vetëvendosje, në drejtim të ish-komandantit të Ushtrisë Çlirimtare të Kosovës, Daut Haradinaj, rast për të cilin ka raportuar Klankosova.tv.
Përmes një postimi në Facebook, Kadrijaj i drejtohet mërgimtarit: “Hajde o Naser Xhylani, se fort trim koke”, transmeton Klankosova.tv.
Siç ka raportuar Klankosova.tv, në një video të publikuar në Facebook, Xhylani e ka krahasuar Haradinajn me kryeterroristin Milan Radoiçiqin, i cili është përgjegjës për sulmin në Banjskë, duke iu referuar me mbiemrin e tij, “Daut Radoiçiq”.
Në fund të videos, ai ka përdorur edhe gjuhë të drejtpërdrejtë kërcënuese, duke përmendur “kanunin” dhe persona që, sipas tij, janë “të gatshëm për sakrificë”.
