Kapiteneria e Portit Durrës organizoi sot operacionin për nxjerrjen nga cektina e Currilave të jahtit “Maria 38”, me flamur britanik, në bordin e të cilit ndodheshin dy shtetas të huaj.
Mjeti lundrues kishte ngecur që prej ditës së djeshme, ndërsa rimorkimi u krye gjatë ditës së sotme me angazhimin e rimorkiatorit “Marina” dhe mbështetjen e Policisë Kufitare dhe Kapitenerisë së Portit Durrës.
Pas ndërhyrjes së koordinuar të strukturave të përfshira, jahti u nxor nga zona e cekët dhe u shoqërua në kushte sigurie.
