Inflacioni në Eurozonë u rrit në një tjetër nivel rekord, duke sfiduar pikëpamjen e Bankës Qendrore Evropiane se rritja graduale e normave të interesit nga korriku do të jetë e mjaftueshme për të zbutur rritjen e lartë të çmimeve. Inflacioni u përshpejtua në 8.1 për qind në maj nga 7.4 për qind në prill, duke mposhtur pritshmëritë për 7.7 për qind, ndërsa rritja e çmimeve vazhdoi të zgjerohej, duke treguar se nuk është më vetëm energjia që tërheq shifrën kryesore.
Ndonëse inflacioni total tani është katër herë më i lartë se objektivi i BQE-së prej 2 për qind, politikëbërësit evropian mund të jenë më të shqetësuar nga rritja e shpejtë e çmimeve bazë, të cilat tregojnë se ajo që dikur shihej një rritje kalimtare e çmimeve, tani është duke u ngulitur.
Inflacioni pa përfshirë çmimet e ushqimeve dhe energjisë, u përshpejtua në 4.4 për qind nga 3.9 për qind në krahasim me një vit më parë, ndërsa një masë edhe më e ngushtë, që përjashton gjithashtu alkoolin dhe duhanin, u përshpejtua në 3.8 për qind nga viti në vit nga 3.5 për qind në prill.
BQE-ja do të mblidhet më 9 qershor, ku do të përfundojë zyrtarisht një skemë të blerjes së obligacioneve në fund të qershorit dhe do të vazhdojë të sinjalizojë rritjen e normës.