Zëvendëskryeministri i parë, Artan Grubi përmes një statusi në faqen e tij zyrtare në Facebook, ka reaguar i tmerruar për vrasjen e 14 vjeçares nga Shkupi, Vanja Gjorçevska.
Grubi ka apeluar organet kompetente të kryejnë punën e tyre për zbardhjen e plotë të rastit.
Statusi i plotë:
I tmerruar nga rrëmbimi dhe vrasja e 14 vjeçares, Vanja Gjorçevska.
Shpreh ngushëllimet më të sinqerta familjarëve dhe të afërmve të viktimës.
Ministria e Punëve të Brendshme dhe Prokuroria kanë punuar intenzivisht për ta zbardhur rastin që tronditi gjithë shoqërinë duke sjellur para drejtësisë autorët e dyshuar të këtij krimi makabër.
Individë të caktuar në rrjete sociale po përpiqen ti japin dimension etnik këtij krimi dhe kjo tendencë paraqet krim të dyfishtë.
Familja dhe e gjithë shoqëria janë në dhimbje dhe mosbesim, ndaj dhimbjen me të gjithë, ndërsa bashkarisht duhet ti shporrim nga mesi jonë vrasësit, komplotistët dhe nxitësit!
