Gjeneral serb Zoran Stojkoviq i cili është drejtor i Agjencisë së Inteligjencës Ushtarake në Serbi ka bërë një deklaratë provokuese para kamerave në Serbi.
Ka thënë se vend në shërbimin ushtarak nuk ka as për ata që nuk jetojnë për ditën kur flamuri serb do të fluturojë në gjithë Kosovën.
“Nuk ka vend në shërbimin tonë për ata që nuk e mbajnë Kosovën në zemër dhe që nuk jetojnë për ditën kur trengjyrëshi serb do të fluturojë në gjithë krahinën tonë jugore Kosovën”, janë fjalët e drejtorit të Agjencisë së Inteligjencës Ushtarake në Serbi.
Video është regjistruar në mars të këtij viti derisa mbrëmë është shpërndarë nga avokati serb Cedomir Stojkovic.
